يوسف الكتلوني
Admin
عدد المساهمات : 63
السٌّمعَة : 0
تاريخ التسجيل : 20/01/2010
 | موضوع: و اني احبك ...قصة مغربية روووعة(تتمة)  الخميس يناير 21, 2010 2:19 am | |
| السلام عليكم ورحمة الله وبركاتةبما أن الموضوع الأخر تقفل غادة نكمل القصة هنا إنشاء الله
هاهم 2 ديل أجزاء تدوزو بهم هاد الويكند 
حتاش يمكن منكونش ف الدار
بون ويكند تحياتي الفصل 22فدار اهل ايمان تجمعوا الشباب على غذا معطل بحضور اهل امين..
- ايمان: ما كنتش عارفة داركم غيجيو
- امين: حتى انا
- مريم: اش جالسين تتوشوشو انتوما تما?
- ايمان: و انتي مالك ?! دخول الصحة هاذا!
- هشام: احم احم
- امين: احم احم احم
- مريم و ايمان: هههههههههه
- امين: انتوما لاقيو لينا السلوكا و جلسو تكركرو..تهزو للكوزينة يالاه, مخليين الشارفات تما و جالسين ليا هنا
- مت امين: الشارفات?! ياك ما تتهضر علينا?!
- امين و هو نايض يبوس ليها راسها: ا...لا حاشا, انتوما الزين و الشباب
- مت ايمان: ههههه يا المساخط, ماشي مشكل , قالو زمان "الا مشا الزين , يبقاو حروفو"
- هشام : و ولادو
- ايمان: دابا على من تتهضر على ميمي و لا على راسك?
- هشام: معلوم عليا
- مريم: من زينك..بزاف عليك!
- امين : ههههه انتوما اللي ضربكم , ضربكم على الزين
- هشام لمريم: بلاتي عليك
- ايمان: حنا و لا انتوما اللي مضروبين على الزين?..
- مت امين: الرجال اللي مضروبين على الزين , و الله لا ما كانت المرة زوينة, لا شافو فيها
- ايمان: ظهر الحق و زهق الباطل
- امين و هو باغي يغيظها: و انتي كاع ما زوينة و خذيتك!
- هشام: اوووووووووو
- الكل: ههههههه الا ايمان اللي كانت تتنقل نظراتها بينهم بغيظ
- مت امين: كاع ما زوينة?!!!! و شنو اللي طلعك للسطح تشطح و تنقز, نهار وافقات عليك? خيوبيتها?!!!
- هشام: ناري على فرشة هههههههه
- الكل: هههههههههههه
امين تحدوا ليه و بقات ايمان تتشوف فيه بنظرات ديال قفرتيها ا حنيني ************************************************** ***********************فنفس
الوقت, كانت حسنا فبيتها عاطياها البكا و امها مهلوكة منها..كانوا عاد
خرجوا اهل نبيل اللي كان فرحان بموافقة العروس, عكس الاهل اللي جاو معاه
على مضض و اتفقوا مع الاب, يتم الزواج بعد شهر , فحفل عائلي صغير حسنا
كانت مقهورة بقوة و هي تتشوف احلامها بامين تتحطم للمرة الالف..كانت
مهووسة بيه بشكل غير طبيعي..كرهات نبيل مقدما, و شبعتو دعاوي و هي لحد
الان, ما عندها حتى فكرة عليه..
دخل عبد الرحمان يعيط لمو تتكلم لباه و بقا مع حسنا....
- عبد الرحمان: غادي تسكتي و لا غنهرس ليك ذاك الفم .... تخايلي راسك عروسة بلا فم هههههه
- حسنا: سير الله يعطيك غبارة ا الحمار, تنكرهك ا الحيوان, تنكرهك
ناض لعندها و شدها من شعرها...
- عبد الرحمان: تتحلي فمك ما زال?! و تتعايري?!!! انتي راه خصك تبوسي ليا ايديا اللي سترتك
- حسنا: مستورة بزز منك, مالني? بنت ليك بنت الزنقة!
-
عبد الرحمان: اه مستورة, مع سكايري!!..كن ماشي غتشوهينا, كن خليتك تاخذيه
, حيث باغي فحسك الخدمة , غيمرمدك مزيان و يوري لحسك البغيان شناهو..تفو
على زبل!و
خرج و خلاها...دخل لبيتو و تلاح على فراشو بعصبية و تعب..هاذي ايام ما شاف
طيبة..ما بقاتش تتبان ليه نهائيا و كانها تتفاداه..صورتها و صوتها مازالين
فعقلو و غيابها زاد شدو ليها, فعوض ما يخليه ينساها , و فقلبو حيا الامل
فيها, بعد ما اخيرا تفك من اختو..************************************************** ********************دوزات
ليلى نهار مميز مع يوسف ..فالصباح طلعوا لمنطقة اوريكا الجميلة برا مراكش
و تعطلات ليلى فالبازارات, فين داخت كيف العادة, من كم التحف اللي ابدعتها
يد الصانع المغربي, قبل ما تشري منها ليها و خلاتهم عندهم حتى تكون راجعةدوزو
الصباح تيستمتعوا بالمناظر الطبيعية الخلابة , اللي جمعات بين الهواء
العليل و طيب التربة و عذوبة الماء..تغذاو فمطعم قريب بالطنجية المراكشية
اللذيذة, ثم بعد الغذا, طلعوا لسيتي فاطمة و ليلى غتحماق على منطقة الشلال
اللي ما شافتهاش من مدة..خذاو ليهم صور كثيرة فالمنطقة الجبلية الرائعة
الجمال, بالخضرة و المياه , قبل ما يدخلو لقلب سيتي فاطمة, فين كاينين بعض
البيوت و المطاعم الشعبية المثناثرة, وسط المناظر الطبيعية الخلابة..فمنتصف
العشية, رجعوا للمدينة للاسواق الشعبية تاخذ منها ليلى اللي بغات و منها
رجعوا للرياض, يبدلو حوايجهم و يصليو العصر, قبل ما يعاود يخرجوا لمتحف
الفنون الاسلامية المحيط بحدائق ليماجوريل الزرقاء الجميلة, فين انشغلات
على يوسف بالتقاط الصور لنباتات و ازهار غريبة و نادرة, جاية من مختلف
القارات و هي فقمة سعادتها..كان
يوسف كالمجنون بليلى و هي مثقلة عليه, بمزيج من الانوثة و الرقي و كانها
ماشي نفس المرة اللي طيرات ليه العقل البارح..كانت صامتة معظم الوقت و
مخلياه هو يهضر و يهضر , و تعليقاتها محدودة و مرحة برقي , و ردها فاغلب
الوقت على غزلو المستمر بيها , ابتسامة غامضة, اذا ما كانتش جملة غرور او
مدح ليه تزيد تحمقو عليها ..رجعوا بعد زيارتهم للحدائق لساحة جامع الفنا, و خذات صور لجامع الكتبية المجاور للساحة..خذاو اكلة خفيفة و رجعوا للرياض يرتاحو...طلعات
ليلى للسطح تشوفو..ما لقاتش وقت فالصباح تطلع ليه , و يوسف لاصقها مثل
ظلها..طلعات فالدرج الضيق , المعبد بزليج فلون اخضر زيتي و الحائط من
القرميد الاحمر و انارتو من النحاس , المشغول تقليديا بشكل فنان.السطح
كان واسع و مشروح, مزين بنباتات خضراء و تحف تقليدية على الطاولات فكل
مكان. . كان مقسم لثلاث اقسام , قسم منه مخصص لكراسي شمس بيضاء, مريحة و
اساسها من الخشب الغامق, و القسم الثاني عبارة عن كافيه بالطاولات و
الكراسي بمظلات , للي حاب يجلس فالهواء العليل, القسم التالث , عبارة عن
جلسة على شكل خيمة مفرشة بذوق عالي, تيجمع بين التقليدي فالجلسة على شكل
صالون و الزرابي المفرشة و المعلقة, الى جانب تحف و الات موسيقية محلية,
اضافة للانارة التقليدية.. و الغربي, فاختيار الالوان فاتحة للخيمة , اللي
جمعات بين الابيض و الاسود و كذا اللون الابيض للصالون المغربي, مزين
بغطاء و مخدات بالوان دافئة بين البرتقالي و البني و الاصفر كركم...اجمل
ما في السطح, كان صوت زقزقة العصافير الطاغي, خلا الجو فيه ; روعة....طلع لعندها يوسف بعد شوية..لقاها جالسة فالصالون.
- يوسف بنظرة عتاب: طالعة هنا و مخلياني بوحدي!
- ليلى بابتسامة هادئة: عجباتني الجلسة
- يوسف : و ما توحشتينيش?
- ليلى: ههههه امممم, شوية قديد هاكا, و اشرات بمساحة صغيرة باصابعها
- يوسف بخيبة امل: صافي?!!
- ليلى: هههههه, اه صافي... شافت تعبيرو المقلق و نواتها فيه..قربات منو و لصقاتو: سيفو شيغي ..تقلقتي?
سكت يوسف و هو مثقل عليها كيف دارت ليه النهار كامل و دور وجهو للجهة الاخرى..
- ليلى و هي تتدور وجهو ليها بنعومة: تقلقتي من ta poupée شيغي?
يوسف كان تيستسلم بزز منو و لكن عاند..
هزات راسو اللي حنا , باش يشوف فيها و وجهها قريب من وجهو و برقة: سيفووو توحشتك ,
حل هاذو و سرحات ليه بزز منو بين حاجبو و ابتسم ضاحك
- ليلى بضحكة انتصار صغيرة: برافو bébé تستاهل cadeau (هدية)...
- يوسف: شنو?
- ليلى: بوسة كبيرة..و بدات تتعنكش فيه: هنا?..لا هنا..و لا هنا احسن..عنكشاتو مزيان, وهي كل مرة تتاشر ليه فشي مكان
ضمها ليها بقوة و شوق مغتاظ..دفعاتو و ناضت هربات منو بخفة و هي تتضحك: ايه!!! انت حتى حد ما يضحك معاك?!
فثلاث خطوات كان حداها, شدها ليه و هي تتضحك: صافي صافي, انا غنعطيك كادو واعر, غير تسنى
- يوسف: تتلعبي بيا...ا... ?!!انا غناخذ كادويا صحة..
بعد لحظات و هي عاد واعية لمقصدو...
- ليلى: يوسف ! ويلي! حماقيتي?! يقدر يطلع شي حد!!
ما سمعش ليها يوسف ...
-
ليلى و هي تتحاول معاه: واخا, شوف عيط بعدا للرسبسيون و قول ليهم, باللي
انا هنا فالسطح محيدة حجابي..ما يطلع حتى حد, حتى يعيطو لينا
- يوسف بتنهيدة: اوكي
- ليلىبابتسامة حلوة: ميغسي شيغيقطع يوسف و بادراتو بصوت هادي و لا مبالي ة و هي تتمثل الراحة بعد ما حيدات الفولار
- ليلى و هي تتلعب بشعرها ببراءة: الله!! توحشت نخليه يتنفس فالهوا هكذا
جلس
حداها يوسف و هو تيشوف باعجاب, فشعرها اللامع, المنسدل على بشرتها النظيفة
.. توقفات لحظة و ابتسمات ليه برقة و هي تتشوف فيه بنظرة رومانسية حلوة و
فاجاتو..
- ليلى: tu sais que tu es mon coeur et ma joie de vivre
(هل تعلم انك قلبي و سعادة حياتي)ابتسم يوسف و بادلاتو الابتسامة باهمال بريئ للنظرة اللي فعينو, و رجعات تلعب بشعرها , لكن مد يدو و هو تيلتصق فيها و....بركة عليكم حد هنا كان
يوسف تيشوف فليلى و تيتسناها تفرغ من الصلاة , و هو ما قادرش يمنع راسو من
انو يسترجع ذكرى اللي قالت ليه , بعد مغامرتهم فسطح الرياض , طريقة
اعترافها و كلماتها الجريئة عليه, خلاتو كيف الطاووس من الزهو و الفرح ...خرجوا يتعشاو فقصر و مطعم علي بن فلاح فامسية تخللاتها عروض استعراضية جميلة, فجو جميل وسط القصر, المبني بشكل قصور امراء الشرق زمانكانت
ليلى متالقة ..القها ماشي فقط من منظرها الرائع, فاونسمبل تنورة سوداء و
بلوزة حرير خفيفة بالبيج و الاسود , عليها سترة بيج و فولار اسود و
الاكسسوارت بالبيج, مع صندل بيج ذهبي عالي و ماكياج ذهبي ناعم و
خفيف..القها كان من الداخل, من شعورها بالثقة فنفسها , و من راحتها
النفسية و هي بعيدة عن المشاكل و حاسة بنصفها الثاني بالكامل ليها..كان
يوسف جالس تيتفرج و هو ما تيتفرجش, كان بنص عين مراقب ليلى , تبدلات
عليه..من غير اهتمامها براسها اللي مولفو عليها , شي حاجة اخرى فيها
تغيرات و مجننو يعرف شنو اللي خلاها تتبدل..بحال الا هزيتي مرة و حطيتي
وحدة اخرى..كان تيراقبها و هو ما قادرش يخبي على راسو, انها ثارت انتباهو
فعلا بقوة, و ولى النهار كامل ما تيفكر الا فيها..
تفكر
الاتصال اللي جاه , ملي كان تيهضر مع رشيد قبل ساعتين و توتر ثاني..فجاة
ولى خايف تكتشف ليلى, أي علاقة ليه بسناء او حتى ترجع تشك فيه..بصعوبة
تخلص من سناء قبل ما تنزل ليلى و هو واعدها يشوفها و يتفاهمو على وضعهم.الغد
ليه, فاقت بكري تستمتع بالصباح الباكر فالسطح ..فطرات تما مع يوسف, فجو
حميمي و رومانسي رائع و خرجوا يستمتعوا بجولة اخيرة فمراكش , و بعد الغذا
شدوا خط الرجعة.. الاثنين
فالمساء, بعد ما دخلوا من عند عزيزة, بدلات ليلى حوايجها و جلسات تتلاعب
لمياء و مقابلة قراية ادم و هي لاهية تماما عن يوسف , و تتفكر فحال عزيزة
.. بدات لمياء تتقوم بحركات غريبة تتضحك.....بدات تتضحك من قلبها و تلفت
يوسف اللي كان مراقبها بتوتر يشوف و ضحك على تصرفات لمياء
- يوسف: حمقة هاذ البنت!
تسمع صوت رنة sms فتلفون يوسف و جاهدات باش ما تشوفش فيه..لحظات و ناض يوسف باسها - يوسف: حبيبة انا ساعة و راجع- ليلى بابتسامة: اوكي شيغيتعصر قلبها و هي عارفة انه خرج لغيرها و خنقاتها الدموع و هي تتحاول تتجاهل المها..عيات و ناضت تعيط لايمان ...- ليلى: بنت الحرام, ما طلقاتوش بالتعياط من البارح ..-
ايمان: ما يهمكش رها فصالحك, معناها ولات بالنسبة ليه مشكل..تلقايها
مهدداه يخرج و الا ما كانش قال ليك ساعة و يرجع ...و هو كان كيخرج
بالسوايع بلا ما يعبرك- ليلى بالم: و لكن لاش يمشي لعندها?-
ايمان: قلت ليك غتكون مهدداه بشي حاجة ..بالحق ما غتبقاش فيها ..سيفطي ليه
sms قولي ليه ... خوذي ستيلو وقيدي " غفيت و حلمت بيك ..بستك و حضنتك
..فقت من الغفوة و ما لقيتك, يا ريتني فحضنك و نحس بدفا جسمك..ندوخ
بريحتك, نذوب فايدك و تاكلني بعسل شفايفك" كتبتي ?- ليلى: ويلي! بغيتي نسيفط ليه هاذ الشي?!! غيتصحاب ليه غير دايرة فحالتي شي حاجة!-
ايمان: ليلى ما تحمقينيش!! امين تيتسناني, اه سيفطيه ليه , و الا ما
بغيتيش خليه ليها, انتي تتعراي كلك قدامو و محيحة عليه ويكند كامل فوجهو!
و حشمتي من جوج كلمات غتسيفطيهم ?!!!!!! امتي غتكبري ا صاحبتي!!! حمقتيني- ليلى: مال حسك تتغوثي ?!, دابا نسيفطو, انا غير قلت ذيك الساعة حيث حدايا و مخططين ليها , دابا غيقول
- قاطعاتها ايمان: غيقول مراتي الملكة الراقية توحشاتني بحبو غيتخيل بزاف ديال الحوايج غتخليه يجيك طاير
- ليلى و هيتتقرا المسج : بنت اللذين! حاجات غيتخيل من ورا هاذ المسج-
ايمان: هههه اووو حاجات و حاجات هههه...شوفي غيعيط ليك, و الا قال ليك ما
زال غيتعطل, عرفيها جلسات تتباكا عليه , كوني انتي مرحة و تحلوني عليه
مزيان ببحال هاذ الهضرة, ركزي على حاجتك ليه و لحضنو و حنانو, واخا توصلي
لما عرفت فين فالهضرة ..واخا تكون تتموت , غيرجع ليك طاير-ليلى بحماسة و امل: هههههههه اوكي صافي فهمتك- ايمان: على السلامة! خصني نزغرت! ..يالاه coquine nuit ههههههههه- ليلى : هههههههه ان شاء الله à toi aussi- ايمان: يالاه تلاحي و ما تنسايش اللبس المناسب- ليلى: اوكي ما توصيش, نخليك, تشاو************************************************** ************
عند مريم كانت الحماسة كبيرة و هي تتلاعب اطفالها بمرح..دخل هشام و لقاهم على ذاك الحال..
هز ايات اللي جرات لعندو و هو تيشوف باعجاب واضح فمريم ..شدات ليه ايات وجهو و هي تتضحك و باستو
-هشام: امم على بوسة زوينة!!..قولي لماما تعطيني بحالها
خرجات فيه مريم عينيها و هي مزنجة
-ايات: اجي ماما..
وقفات
و هي مخصرة ليه بتهديد..طلعها و نزلها بطريقة حرجاتها اكثر..كانت كيوت,
فبيجامة رياضية, باللونين الوردي و الرصاصي الفاتح ..الخصر قصير و القطعة
العلوية قصيرة و بدون اكمام و مكتوب عليها فمنطقة الصدر le secret..
شعرها
مرفوع باهمال و خصل متناثرة منو , و ماكياجها ناعم جدا كحل و جلوص وردي,
مع اقراط صغيرة , عبارة عن حجرة بيضاء و سلسة معصم رقيقة..مافاتوش يلاحظ
طلاء الاظافر, الوردي اللعوب اللي حاطة
- مريم بصوت مهدد و هي محرجة: هشاااام !!
- ايات: اجي ماما
- هشام: ماما خايبة ياك? ما بغاتش تبوس بابا
صرفقاتو ايات: ماما زوينة!!!
- هشام: اح خايبة انتي!
قربات
منهم و هي حابسة الضحكة , و تتمثل الغضب و هي حاسة بنظرات هشام: ايات!!
علاش ضربتي بابا?..اري يدك نضربك فيها , واش نضربك فيها?
- هشام : لا ما تضربيهاش, حيث ايات زوينة و ما بقاتش غتعاودها, ياك?
حركات ايات راسها بالايجاب..
- مريم: يالاه بوسي بابا فين ضربتيه, باش يبرا
باستو ايات من قلبها و بالجهد, و مسحات على ذيك البلاصة و هشام و مريم تيضحكوا عليها
- مريم و هي غادية: بقا معاهم بين ما حطيت العشا
-جرها هشام ليه باليد الاخرى و باسها ثم قال ليها: حنا جايين معاك poupée
ضحكات
مريم بخجل و قالت ليه tu es fou mais j'y peux rien mon coeur est
prisonnier chez toi (انت مجنون لكني لا استطيع شيئا حيال ذلك..قلبي سجين
لديك)
- هشام: أي!! قلبي!!!
ضحكات على هبالو برقة و سبقاتو للكوزينة
علاقتهم
تحسنات بشكل كبير بعد التغييرات اللي ضفاتها مريم على تصرفاتها, و طريقة
تعاملها معاه..حيدات عليها عباءة الخجل التقليدي, اللي كان مدمرها , و
شوية بشوية, بدات تتاقلم مع هويتها الحقيقية..كانت تتدخل للملفات اللي
ارسلات ليها اختها و لغيرها على الانترنت, و تتختار منها اللي يتوافق مع
شخصية هشام ..
عمرات لاب توب هشام
و جهاز الدار ببرامج دينية للاذكار, و مواعيد الصلاة , و خلات شاشة العرض
و التوقف ايضا دينية و مؤشر الفارة كذلك , و هي حريصة على شغل وقت هشام
فالدار, بالاطفال او اصلاح اشياء, فالبيت بطلبات تتقوم بيها بغنج و تحسيس
ليه بانه البطل اللي غيساعدها , و ينزع عنها حمل بمساعدتو ليها..
بدلات
بعض ملابسها وزادت عليها قطع, اللي تتوافق مع الستايل الكاجوال الانثوي, و
الناعم القريب من الطفولي, اللي تيعجب هشام , مع اكسسوارات ملائمة لكل
الجسم, انثوية و ناعمة بكريستالات لامعة, و احذية و صنادل بكعب عالي ناعم
او بلا كعب ناعمة او رياضية..
فنفس الوقت تابعات ريجيمها الصحي اللي اصلا متبعاه , من غير ما تحسسو بيه , مع اهتمامها ببشرتها و شعرها ..
عمليا,
بدات تتسترجع دروسها فالتسيير و البرامج المكتبية ديال الكمبيوتر;
كاستعداد لعملها للي شجعها عليه هشام; خاصة انها غتكون قريبة ليه ...
ولات
جذابة بشكل حلو و مثير, مع ان كل التغيير اللي قامت بيه فعليا , هو تعيش
احلامها الوردية فعليا, بدون خجل و عقد, مع شريك عمرها و والد اطفالها. الفصل 23الصباح فالخدمة عند ايمان...
- ليلى: كنتي عند عزيزة?
- ايمان و هي تتطلب ليها فطور: بغيتي شي حاجة?
- ليلى: non ميغسي
- ايمان: ايوا? اش طرا مازال?
- ليلى: قولي بعدا اش خبار عزيزة, البارح خليتها طايرة ليها , واخا ما بغات تقول والو
- ايمان: غيسطيها توفيق , ولى فشكل ملي دار الكسيدة, لسانو خياب
- ليلى: وا مسكين راه الله يعاونو, ماشي ساهل تحس براسك عاجز , خاصة بالنسبة للرجال
- ايمان: ايوا يتكايس شوية على السيدة, مسكينة ما حيلتها ليه , ما حيلتها للاولاد
- ليلى: تتعرفيهم انانيين و ما تيفكروا غير فراسهم
- ايمان: كاينة و لكن يترباو!..وراهم وراهم و الزمن طويل!
- ليلى: ههههه
- ايمانو هي تتغمزها: ايوا يبدو ان الخطة قد نجحت
-
ليلى: بشكل ساحق! هههههه.. عيط ليا بعد ما سيفطت المسج بشي 5 دقايق..زربت
عليه مزيان و قال ليا, نص ساعة و يجي, شديت فيه فالتلفون بالتي هي احسن و
عجبو الحال, حمقتو! ..خليتو معايا على الخط و انا تنقول ليه يركب
الطوموبيل و يجي ذيك الساعة..قال ليا نعتذر من صاحبي و نجي..10 دقايق و
عيط ليا ثاني و بقا معايا فالتلفون حتى جا و كملت الفيلم..
- ايمان: بخير
- ليلى: ايمان فكرتي فشي حاجة نتفكو بيها منها بمرة?
- ايمان: مازال, تدهيت بعزيزة هاذ الايام , ما قدرت نفكر فوالو
- ليلى: فهمتك
- ايمان: فكرت انا فشي حوايج, و لكن ما زال ما خمرات حتى فكرة فدماغي
- ليلى: قولي اللي عندك
- ايمان: لا مازال
- ليلى: انتي غ قولي; نفكرو بجوج
-
ايمان: فكرت مثلا نعيط ليها نهضر معاها , و نهضر معاه حتى هو, و نفرقهم
صحة ..فكرت نتبعوهم نصوروهم بجوج و تحطيهم فشي بلاصة باينة ليه, و يكتشفهم
هو الاول, و يتصحابو هي اللي سيفطاتهم , يمشي يحيح عليها و يقلب
عليها..فكرت نعيط ليك بanonyme فشي وقت تكوني معاه, و تديري بحال الا شي
وحدة عيطات, تقول ليك راجلك مع شي وحدة , و ها النمرة الا ما
تيقتيش..المهم, افكار بحال هكذا..
- ليلى بتنهيدة: هاذ الافكار كل وحدة اصعب من الاخرى, ما عرفت
- ايمان: اللي جذرية هي ديال التصاور و لكن صعيبة و خصها الوقت
- ليلى: لا هاذيك صعيبة
- ايمان: ماشي حتى صعيبة ..ساهلة; غير خصها تخطيط كثير و الوقت
- ليلى: ديال تعيطي ليا, مزيانة
-
ايمان: لا ما كافياش , ساهلة تنكرها و من جهة اخرى غتوصل ليقين و حنا
بغيناه يحس بالتهديد, و يقطع معاها..هي حتى الا وصل ليقين, ماشي مشكل و
لكن واش تقدري انتي عليها?
- ليلى بتوجس: علاش? شنو غيخصني ندير?
- ايمان: غيخصك تبوسي وليداتك و تهزي قشك و تمشي لداركم!
- ليلى: شنو?!!! لالالالا! خلينا فالشك ا ختي , خلينا فالشك بركة
- ايمان: ههههههه يا الخويويفة! ههههههههه قتلتيني بالضحك
- ليلى: لا لا اختي, اللي خاف نجا , خليني فدويرتي قالاك
-
ايمان: ههههه يا الحمقة! ..ما عندك ما تخافي!..اولا: دابا فين ما مشيتي,
غيتبعك و يحط عينيه باش ترجعي ليه.. ثانيا: غيكمل عليه, انك غتخلي ليه
الاولاد.. ثالثا : غتضمني مليون فالمية باللي غيتفرق على الاخرى بمرة , و
زيدون غيرجعك من داركم معززة مكرمة و فرصتك تتشرطي عليه
- ليلى: لا لا لا, الا قدرت نفرقهم بلا رجوع لدارنا, احسن ليا
- ايمان: على أي, مع الحالة اللي وصلتي ليهم علاقتهم , كنظن الشك كافي, الا ما كانش كافي نردوه يقين ذيك الساعة
- ليلى بقلق: الله يستر
-
ايمان: ليلى, ها اللي ما بغيتش ..اش قلت ليك, خصك تكوني مرة قوية و
واثقة..كيف ما كان الحال و كيف ما بغا يطرا..ماشي دابا رجع ليك ترخاي, و
ترجعي لعوايدك القديمة!
- ليلى: ماشي ذاك الشي, و لكن راكي عارفة, ابعد عن الشر و غني لو
- ايمان: كاين شي حالات , ما تينفع معاهم غير المواجهة و خصك تكوني ديما واجدة لكلشي
- ليلى: ان شاء الله...غادية للاصال?
- ايمان: اه و معانا ضيفة جديدة
- ليلى: شكوون?
- ايمان: زيزو
- ليلى: اووو!!! اخيرا اقتنعات?!
- ايمان: ههه اه
- ليلى بشك : شي حاجة تما!
- ايمان: لا علاش? انا قنعتها باش تبدل جو
- ليلى و هي تتشوف فيها بشك: اقطع ذراعي من هنا , الا ما كانت فالقضية ان
-ايمان: ههههه حتي تتلاقاي بيها و قوليها ليها
- ليلى: تصحابيني غنحشم ..السيدة كانت ديما ما هياش هنا..شوية فاقت !!
- ايمان اللي وصل فطورها: على السلامة, تصحابني نسيتوني
- النادلة: لا لا حاشا, غير الخدمة بزاف هاذ الصباح
- ليلى: نخليك انا, حتى انا عندي ما يتدار
- ايمان: بقاي معايا حتى نفطر
- ليلى: اوكي..قولي ليا امتى نديرو الفلاش اللي هضرنا عليه?
-
ايمان : اليوم ما حدهم مازال مخاصمين ..العشية كوني 10/10 و جلسي حداه و
انتي منخلاه شوية ..سيفطي ليا مسج تعلميني باللي مستعدة و سيفطي ليه مسج
كتكوت , خليه يقراه ....من بعد 5 دقايق على الSMS ديالك, نعيط ليك , خصني
نهضر معاك و هو باقي تيقرا المسج, ديالك او تحت l'effet (التاثير) ديالو
- ليلى: باش تشدو الرعدة مزيان هههههه
- ايمان: و استمتعي ليا مع راسك ..و انتي تتعذبي فيه و فيها من بعد
- ليلى: انا راني مرمدتها هاذ الايام
- ايمان: مالكي بقات فيك?
- ليلى باستنكار: بقات فيا?!!!!! بغيت ربي يمرمدها فصحتها و عقلها الحيوانة الاخرى
- ايمان: ما تدعيش, خلي الخلق للخالق
- ليلى: من كرهي ليهم , بنات الحرام سنين هاذي و هوما معذبيني و حارميني من الراحة
-
ايمان: ماشي غير هوما , حتى هو ..هو ماشي على راسو ريشة و لا صغير و بززو
عليه..بخاطرو طاح فايديهم..كان ممكن فقط يصارحك باللي بغا و يهني الوقت ,
و لكن تصرف باللي ساهلة عليه و لاحك
سكتات
ليلى و هي تتفكر فكلامها و هي عارفة ان ايمان محقة الايام السعيدة اللي
فاتو نساوها دغية فافعالو خجلات من راسها اللي بالزربة سامحاتو
- ايمان: بلا ما تعمري راسك بيه..نساي اللي فات و ما تتفكريه , الا ملي تحسي براسك ترخيتي, باش تجمعي راسك ثاني
- ليلى و هي تتاشر لقلبها: هاذ القلب اللي هنا, هو اللي تيخرج علينا حنا
- ايمان: عادي, ناقصات عقل ! ههههه
- ليلى: ههههههه فوقت
الغذا تلاقاو البنات فلاصالو حاولو البنات يفوجو على عزيزة اللي كان
مزاجها سيئ رغم حماستها للحصة لكن شويو بسوية بدات تتدخل فالجو بتشجيع
البنات و فاطمة المدربة
- فاطمة: غنرجعوك taille mannequin , غير ديري ريجيم و ما تغيبيش على لاصال
- عزيزة: و لا عليك, راه بيا و لا بهاذ الكيلوات
- ايمان: ما تخربقيش الريجيم اللي عطاتك الطبيبة , تبعيه كيف هو!
- فاطمة: مزيان اللي خذيتي ريجيم ديالك, باش تخسري الشحمة, ماشي العضلات
- ليلى: فينك ا ودي ا السي توفيق? تشوف عزيزة محيحة!
- عزيزة: ههههه بغيتي تشوهيني انتي!
- ليلى: هااا!... هو اللي قال ليك دخلي للاصال!!
- عزيزة: لا بوحدي!
- ليلى: و من شحال هاذي كنا نطلبوك, كاع ما بغيتي, شنو اللي بدل رايك دابا?
- عزيزة : والو غير ما بقيتش حاملة راسي هكذا
- ليلى و هي مبعدة منها مقلقة: واخا ا لالا , ملي وليتو تتعاملو بالاسرار هانية , غير و كان قوليها face ما بغيتش نقول ليك و صافي!
- عزيزة: ليلى بركة من العياقة!!
- ليلى! انا بعدا عادي, سولتيني على يوسف, عاودت ليك بلا ما نخبي عليك
- عزيزة: واش بغيتي صحة تكون شي حاجة?!!! ما كاين والو!!
- ليلى: انا ماقلت دابا والو, صافي
- عزيزة : اوووف شحال فيك, ها هي ايمان تعاود ليك من بعد, ما فيا ما يهضر على ذاك الشي
شافت ايمان فعزيزة و فليلى و هي مبتسمة..
- ليلى: لا بلاش, اسرارك هاذوك و انتي حرة تقوليهم للي بغيتي
هجمات عزيزة على ليلى تمثل انها تتشنقها: صافي ا البرهوشة! شحال فيك!..دابا تقول ليك ايمان
- ليلى: اي ههههه, طلقي مني خنقتيني ا الدبة
- ايمان: دابا تضعاف و تولي فورمتها احسن منك
- عزيزة : هههههاحسن منها مرة وحدة
- ليلى : بصحتك, ذاك الشي اللي بغينا
- فاطمة: انتوما غنفرقكم, يالاه كل وحدة فقنت, رديتو ليا لاصال حمام! ..مشاو البنات و هوما شادين ففاطمة
- ايمان: حكي ليا ظهري الله يخليك
- ليلى: بلاتي بعدا نعمر سطولاتي بالسخون
- عزيزة: شكون فيكم تعطيني شوية ديال الصابون البلدي? نسيتو
- ايمان هاكي ا ختي, هزي ذاك الحك الاخضر و خذيه..جبتي الشامبوان? الا نسيتيه , اجي نعطيك, الدنيا هانية
تفرقعوا البنات اللي فلاصال بالضحك و فاطمة تتحلف فيهم و هي تتضحك على هبالهم...
فالمساء
كانت ايمان متعبة من كم العمل اللي كان عندها العشية..دخلات للدار مع
الاطفال وجدات ليهم سلطة فواكه سريعة مع دانون و وجدات سلطة خفيفة و بيتزا
للعشا ثم داتهم لبيتهم يحفظو و وصات الياس على سلمى.. دوشات و تعطرات بااش
تحس بالانتعاش و بدلات حوايجها ببيجامة خفيفة من الساتان فلون اخضر فاتح
هادي القطعة العلوية باكمام قصيرة و السفلية شورت بشرائط بيج لشده تحت
الركبة..بعد ما صلات سرحات شعرها وخلاتو مطلوق على راحتو و حطات جلوص خفيف
..
خرجات حطات رسوم ديال OGGY لسلمى و جلسات تتفرج معاها, و بورطابلها حداها , فانتظار امين يدخل , او ليلى تعطيها الضو الاخضر لخطتهم
تعطل امين .. ملي دخل , كان مرهق حتى هو n سولاتو على حالو ..قال ليها انه مجرد تعب و تقبلات جوابو..
جلس معاها بصمت تيتفرج و هو تيلاعب شوية لمياء فحين هيتتشوف فيه بحنان ..
- امين: شنو
- ايمان بابتسامة غامضة و هي تتبعد عينيها: والو
- امين بقلة صبر: ايييمان
- ايمان بنعومة: قلت ليك والو
- امين غتقولي دابا
- ايمان: واخا عيان جيتي بوقوص, عجبتيني
ابتسم امين بهدوء و هو فداخلو فرحان, اللمعة اللي فعينيه بيناتها بقوة
- امين: ميغسي شيغي
- ايمان: سير خذ ليك دوش يصحصحك و اجي تتفرج معانا
- امين: اوكي
غمضات عينيها اول ما خرج و هي حاسة بالتعب..ما كرهاتش تضربها بنعسة ذيك الساعة..جاها مسج ليلى
"
كتبت ليه Depuis que nous sommes intimement liés, il y a une gerbe de
sourires dans mes pensées, un arc-en-ciel pour les jours de pluie, une
féerie d'étoiles pour la nuit
(منذ ان اصبحنا مرتبطين بحميمية و حفنة ابتسامات تزين افكاري و قوس قزح لايام المطر و كمية سحرية من النجوم لليالي)
ابتسمات ايمان و هي تتقرا المسج ديالها كملات قرايتو و عيطات ليها ..
شافت ليلى فبورطابلها باستغراب و هي واعية ليوسف اللي تيشوف فيها
- ليلى: الو
- ايمان: ليلى هاذي?
- ليلى: اه هي انا, شكون معايا
- ايمان: تتقوليها ليا! عارفاك هي!..ايه عنداك تضحكي! ..شوفي ا لالا, انا فاعلة خير ,بغيت غير نقول ليك راجلك, راه تيمشي مع وحدة
- وقفات ليلى و هي تتمثل بحرفية الدهشة: شنووو?!!!
- ايمان: عالله تكوني جمعتي الوقفة و انتي تتقوليها..قيدي عندك النمرة ا بنتي
- ليلى: تسناي; تسناي ناخذ باش نقيد
- ايمان: قيدي 00 00 00 ههه, نمرة خليان دارو هاذي هههه
- ليلى اللي كانت مقهورة منها تتضحكها: الو الو ..الو..
و
عطات بالظهر ليوسف اللي وقف حداها باش تقطع خفية عليه الاتصال و بقات
تتشوف فالبورطابل, بتعابير وحدة مغتاظة و مصدومة بقوة, و هي حاسة بنظرات
يوسف عليها
- يوسف: ليلى ياك لاباس? شكون عيط ليك?
تلفتات
ليه بحدة و شافت فيه للحظات بنظرة عتاب و شك قوية, حسساتو بخوف
رهيب..بعدات منو و جلسات فوق السداري و هي تتشوف قدامها بتعبير غريب وترو
بزاف
- يوسف: ليلى مالك?
هزات راسها ببطئ و شافت فيه بهدوء و قالت ليه : عيطات ليا وحدة, تقول ليا انك تتخوني مع شي وحدة سميتها سناء
تصدم يوسف و لثواني, بقا تيشوف فيها بصمت, قبل ما يستدرك راسو و هو تيتمتم: شنو? مريضة هاذي!!! تتكذب عليك!!! شي حد مسلطها هاذي!!
-
ليلى بدموع سايلين بكبرياء رغم الالم من عينيها , و وجهها تيعبر على خيبة
امل كبيرة فيه: لا ما تتكذبش!! قالت ليا نعطيك النمرة باش تتاكدي, و بدات
تتعطيها ليا و تقطعات المكالمة..
- يوسف: انشوف هاذ النمرة اللي قالت ليك ديال هاذ سناء
مدات ليه ليلى الورقة و هي تتشوف فيه بشك, اول ما شاف فيها دورات وجهها عليه
شاف يوسف فالورقة و حصلوا ليه الارقام فحلقو..تمالك راسو و فداخلو شاعلة حريقة من الغضب
- يوسف كذوب هاذ النمرة ما تنعرفهاش و لا عمرني عرفت شي وحدة سميتها سناء..هاذي مريضة و بالغواث زاد و صمتها معصبو
- يوسف ليلى ثقي بيا ما كاينة غير انتي فقلبي..جلس حدا رجليها و قرب بوجههو منها ليلى والله ما تنبغي الا انتي و الله
-
ليلى بصوت هادي و قوي عرفتي الا اكتشفت باللي تتخونني تاكد
..مليون..فالمية..باللي هي الاخرة بيناتنا و من الغد ليه ننساك و نمسحك
تماما من حياتي..حيث ما تنستحقش الخيانة تنسنحق الحب و الوفاء..التام.. و
ناضت و خلاتو و دخلات لبيتها
تبعها
يوسف بعينيه و كلماتها تترن فوذنيه بنفس القوة و البرود باش تقالت..ليلى
عنات كل كلمة قالتها و الا مشات حتى عرفات على سناء..شاف فالورقة و هو
غيطرطق من الغضب " هي اللي دارتها..ما كاين غير هي تديرها..الحيوانة باغية
تنتقم مني و الله لا بقات فيها ال....الاخرى"
ناض حاول يدخل لعند ليلى لقى الباب مسدود..دق عليها ما جاوباتوش ..استسلم و خرج و هو ناوي يقربلها على سناء قبل ما تقربلها هي عليه. | |
|
