كيكه الفراوله (سهله ولذيذه) > منقول <

السلام عليكم ورحمه الله وبركاته

ازيكم يارب بخير

انا شوفت طريقه عمل كيكه الفراوله فى التليفزيون

وجربتها ووالله العظيم طلعت فظيعه

يارب تجربوها وتعجبكم

وأسفه لو مكرر

( المقادير )

كيكه اسفنجيه ومقاديرها :-

4 بيضات - سكر - دقيق - نشا - فانيليا .

كسترد ومقاديره :-

2 بيضه - سكر - فانيليا - نشا - لبن ( حليب ) - زبده بدرجه حراره الغرفه .

وطبعا الفراوله مقطعه شرائح وجزء مقطع مكعبات صغيره .

( طريقه التحضير )

أولا عمل الكيكه الاسفنجيه :-

نحط البيض مع السكر والفانيليا ونخفقهم مع بعض لحد ما يوصل لضعف حجمه بعد كدا نضيف ليه الدقيق والنشا بعد نخلهم بالتدريج

ونقلبه بالمعلقه مش
بالمضرب علشان ميهبطش ونكون محضرين صنيه الخبز ودهنينها بزبده والدقيق
وحطين ورق الخبز فيها علشان تبقى سهله لما نطلعها

بعد كدا ندخل الكيكه فرن حامى لمده 20 الى 25

ثانيا عمل الكسترد :-

نحط اللبن ( الحليب ) على النار حتى يغلى

ونخفق البيض مع السكر والفانيليا وبعد كدا نضيف النشا بعد ما اللبن يغلى ناخد منه حبه ونضيفه على خليط البيض والسكر والنشا

ونقلبهم مع بعض بعد كدا
نضيف الخليط الى باقى اللبن ونحطه على النار ونفضل نقلب فيه لحد ما يتماسك
ويتقل بعد كدا ننقله فى طبق ونتركه يبرد لمده ربع ساعه

بعد ما يبرد الكسترد نحطه فى مكنه الخفق ونضيف ليه الزبده بالتدريج لحد ما يبقى كريمى

بعد كدا نجيب الكيك من الفرن بعد مطلعناها وسبناها تبرد شويه نقطعها الى نصفين

نحط النصف اللى تحت فى
صنيه الخبز ونضيف ليها شرائح الفراوله ونغطيها بشويه من كريمه الكسترد (
لازم تتحط تانى فى صنيه الخبز علشان تاخد الشكل المظبوط )

بعد كدا نحط عليها الفراوله المقطعه الى مكعبات صغيره ثم نضيف جزء من الكريمه

بعد كدا نحط الجزء الاخر من الكيكه الاسفنجيه ونغطيها بباقى الكريمه

ونسبها بالثلاجه لمده ساعه بعد كدا نزينها بحبات الفراوله

و بتتقدم بالكشل دا

(